ஹீம் நான் என்னத்த சொல்ல ?

சிவாஜி படம் நான் இன்னும் திருட்டு விசிடிகிடைக்காததால் பார்க்கவில்லை. அதற்குள் சிவாஜி படத்தில் பலரை கேவலப்பட்டுத்தி இருப்பதாக பார்த்த நண்பர்கள் புலம்புகிறார்கள்.

சூப்பர் ஸ்டார் என்று சொல்லிக் கொள்ளும் நடிகர், விவேக்குடன் சேர்ந்து கொண்டு இந்து கோவிலின் புனிதத்தை கெடுத்துவிட்டார். அதாவது கோவில் என்றால் பிகர் பார்க்க வரும் இடம் போல் படத்தில் காட்சியை அமைத்திருக்கிறார்கள். இதைப் பார்த்து இந்துக்கள் கண்ணீர்வடிக்கிறார்களாம்

அடுத்து ஒரு இசை கருவிகள் விற்கும் கடையில் மாபெரும் சண்டை காட்சிகள். இந்த காட்சியில் பல்வேறு இசைக்கருவிகள் உடைக்கப்படுகிறது. இந்த குறிப்பிட்ட காட்சிக்கு இசை அமைத்த ஏ.ஆர்.ரகுமான் நிச்சயம் கலங்கி இருப்பார். மேலும் கலைத்தாய் சரஸ்வதியின் அம்சம் பொருந்திய இசை கருவிகளை பிரமாண்டம் என்ற பெயரில் உடைத்து இந்துக்களை புண்படுத்திவிட்டார்களாம்

கருப்பு பணத்தை வெள்ளையாக மாற்றச் சொல்லி ஒரு இஸ்லாமியரை குல்லாவுடன் காட்டி இருப்பார்கள். இஸ்லாமியர்கள் என்றாலே கருப்பு பணம் மாற்றுபவர்கள் என்று ஒரு தவறான இமேஜை ஏற்படுத்துவதால் தமிழக இஸ்லாமியர்களுக்கு மத்தியில் பெரும் கண்டன குரல்கள் ஒலிக்கின்றன.

ரஜினி படங்களில் இதுவரை இல்லாத அளவுக்கு ஆபசமாக கதநாயகி ஆடைகுறைப்பு செய்து இருக்கிறார். படத்தில் ஷிரேயாவுக்கு பெயர் தமிழ்செல்வி. தமிழ்நாட்டு தமிழ்செல்விகள் அரைகுறை ஆடைகளில் இருப்பவர்களா ? தமிழ்பெண்களையும் படத்தில் கேவலப்படுத்தி இருப்பதாகவும் சொல்கிறார்கள்.

இன்னும் என்னவெல்லாம் இருக்கோ தெரியலையே.... படம் பாத்தாத்தான் தெரியும்.

விசயங்களை பகிர்ந்துகொண்ட ப்ரீலான்ஸ் ப்ளாக்கருக்கு நன்றி