பதிவுலகை விட்டு முற்றாய் விலகுகிறேன்

கடந்த இரண்டு நாட்களாக எனது இன்னொரு பதிவான கிழுமத்தூர் எக்ஸ்பிரஸிலும் இந்த கதம்பத்திலும் விரும்பத் தகாத பின்னூட்டங்கள் மற்றும் வசவுகள் தனிமனித தாக்குதலின் உச்ச கட்டமாக என்னை தனிப்பட்ட முறையில் தக்குவதால் இந்த பதிவுலகை விட்டு முற்றாய் விலகுகிறேன். இனி என் பதிவுகள் எந்த திரட்டியிலும் வராது. சில கீழ்ப்பாக்க கிறுக்குகள் என் கருத்து சுதந்திரத்தின் அடிநாதத்தினை கேள்விக்குள்ளாக்கும் விதமாக தொடர்ந்து பின்னூட்டியும்தனி மடலிலும் என்னை மிரட்டியும் திட்டியும் வருவதால் இதற்கு மேல் இந்த பாழாய் போன சமூகம் எப்படி ஆனால் என்ன?
இனிமேலும் எழுதி இந்த மாக்களுக்கு என்னதை சாதித்திட போகிறோம், நான் எழுதுவதால் இந்த உறுப்படாத சமூகம் திருந்திவிடவா போகிறது. என்னை தனிப்பட்ட முறையில் தாக்குவதால் எனக்கும் கொஞ்சம் அசிங்கமாக இருக்கிரது அதனால் எதற்கு இந்த பொழுதை காலிசெய்யும் போக்கத்த வேலை என பதிவுலகை விட்டே விலகுகிறேன்.........
..........
இப்படி ஒரு பதிவைத்தான் அந்த முழு லூசு என்னிடம் இருந்து இன்று எதிர்பார்த்திருப்பான் அவன் யாராய் இருந்தாலும் என்னை தனிப்பட்ட முறையில் தாக்கி என்னை மனசளவில் சோர்வடைய வைக்க வேண்டும் என்பது அந்த நபரின் எண்ணமாய் இருப்பின் அய்யோ பாவம் நான் என்ன செய்ய? இந்த மாதிரி அரட்டல் களுக்கும் மிரட்டல்களுக்கும் மிரள்பவனாய் இருந்திருந்தால் இந்த பதிவுலகில் குப்பைகொட்ட நானும் வந்திருக்க மாட்டேன். போராட்ட குணம் எனக்குள் எப்போதும் நிறைந்திருப்பது. எவனுக்காகவும் நான் இந்த பதிவுலகை விட்டு போய்விடுவேன் என்றோ இல்லை நான் எழுதும் கருத்துக்களில் இருந்து என்னை மாற்றிவிடலாம் என்றோ மல்லாக்கப் படுத்து கனவு கானும் பகல் தூக்க வேலைகளை இனி விட்டுவிடவும். என்னை தனிப்பட்ட முறையில் எனது குடும்பத்தை தாக்கி எழுதுவதால் எல்லாம் என்னை நீ சோர்வடையச் செய்ய முடியாது என்மேல் வந்து விழும் உன் கழிவுகள் எல்லாம் என்னை மேலும் மேலும் உரமாக்கும்.
நான் எழுதுவதை நிருத்த வேண்டுமானால் அதற்கு இரண்டே காரணங்கள் தான் இருக்க முடியும் ஒன்று நானாகவே எழுதுவதை விட்டுவிட வேண்டும் இல்லை நான் செத்துப் போக வேண்டும். இது இரண்டுமே இப்போதைக்கு நடப்பதாய் தெரியவில்லை. அதனால் அடுத்த முயற்ச்சிக்கு வாழ்த்துக்கள் அனானி.